Их сургуульд хэрэглэгдэх технологийн бүтээгдэхүүнүүд

Оюутнуудад хичээлийн шинэ жилээр хэрэг болох болон update хийх шаардлагатай технологийн хэрэгслүүдийг танилцуулж байна.

Ухаалаг утас: Цаг үеийн мэдээлэл, хичээлийн хуваарь, бие даалтын хугацааг календарь дээрээ тэмдэглэн сануулах, самбар дээр тэмдэглэсэн хичээлийн зургийг авах, бие даалтын групп болон багийн ажлын групп-д хурдан хандах, хамтарч ажиллахад хамгийн ихээр хэрэглэгдэх тул камер болон багтаамж сайтай утсаар өөрийгөө гоёорой.

Зөөврийн компьютер: Хичээл сонгох, судалгаа хийх, тэмдэглэл хөтлөх, бие даалт хийх, ангийнхан болон багш нартай харилцахад зайлшгүй хэрэг болох төхөөрөмж юм.

Чихэвч: Онлайн лекцэд хамрагдах, видео дуудлага хийх, дуу чимээ ихтэй орчинд анхаарлаа төвлөрүүлэх зорилгоор хэрэглэх нь түгээмэл тул аль болох дуу тусгаарлалт сайтай, микрофонтой чихэвч сонгохыг зөвлөж байна.

Зөөврийн цэнэглэгч буюу power bank: Сургуулийн эргэн тойронд болон хичээл дээр арзетиг олох нь маш хэцүү байдаг тул хэрэгцээт төхөөрөмжүүдээ асаалттай байлгахын тул power bank биедээ авч явахыг зөвлөж байна.

Ухаалаг тооны машин: Их сургуулийн багш нар утасны тооны машин ашиглахыг зөвшөөрдөггүй тул тооцоо шаарддаг математик, шинжлэх ухаан, инженерийн чиглэлээр суралцаж буй болон энэ чиглэлийн хичээл үзэх оюутнууд тооны машинаа эртхэн бэлдэх хэрэгтэй.

Таблет: Цахим ном унших, PDF файлд хандах, тэмдэглэл хийхээс гадна дизайн, артист чиглэлээр сурдаг оюутнууд зураг зурах зориулалтаар ашиглахад тохиромжтой. Мөн шинэ санааг дүрслэн харуулах, хийх ажлын жагсаалт гаргах, чухал өдрүүдийг бүртгэхэд хялбар шийдэл болно.

Зөөврийн компьютерын суурь: Зөөврийн компьютерыг удаан хугацаагаар ашиглах үед зөв байрлалтай суулгаж, нуруу өвдөхөөс сэргийлэхээс гадна нөүтбүүкний чинь халалтыг багасгана.

Keyboard&Mouse: Уг төхөөрөмжүүдийг байнга үүргэвчиндээ авч явах хэрэггүй ч удаан хугацаагаар сууж хичээллэх эсвэл их хэмжээний зүйл бичих үед тав тухыг хангах нэмэлт хэрэгсэл болно. Mouse сонгохдоо wiriless -г сонгон жижиг mouse pad-тай хослуулан сонгох хэрэгтэй. Энэ нь үүргэвчинд авч явахад авсаархан байхаас гадна бүтээмжтэй байхад туслах болно. 

Шинэ хичээлийн жилийн амжилттай эхлүүлж, үр дүнтэй суралцахад туслах төхөөрөмжүүдээ хямдралтай, бэлэгтэйгээр худалдан аваарай.